Gaurko egunean, Irailak 22 osteguna, Gainberri fundazioak kirol eta hezkuntza arloko eragileentzako ikastaro ezberdinen aurkezpena helarazi du. Ikastaro hauek, Tolosako ikastetxeko instalazioetan jorratuko dira modu presentzialean ikasturte guztian zehar.
Zehazki, “Comunicación y Liderazgo con PNL” eta “Coaching sistémico” ikastaroak landuko dira. Honako ikastaro hauek, Gipuzkoako Foru aldundiaren laguntzaz baliatuko dira, hauek ikastaroaren kostuaren gaineko %90ko diru laguntza bermatuz Gipuzkoako Kirol klub eta erakundeei.
Comunicación y Liderazgo con PNL
“Comunicación y liderazgo con PNL” ikastaroaren helburua, programaketa neurolinguistikoaren bitartez, lidergo pertsonala zein profesionala sustatzean datza. Jorratuko den metodologia, esperimentala eta bizipenezkoa izango da, honela giro parte hartzailea eta eraikitzailea sortuz.
Honako ikastaroak 9 atalez osatzen da; ikaslearen interes edota beharraren arabera aukera izango du ikastaroak eskaintzen dituen zati zehatz batzuetan parte hartzeko edota ikastaroaren osotasunean.
Ikastaroa Mayte Pascual eta Carlos de la Verdura adituen eskutik jasoko da, 2022ko Urritik 2023 ekainera bitarte.
Ikastaroaren eduki, egutegi eta prezioen xehetasunak kartelean ikusgai
Izen ematea (hemen)
Coaching sistémico
“Coaching sistémico” ikastaroan berriz, erakunde bateko harreman pertsonalak zein pertsonen arteko harremanak hobetzeko tresnak erraztuko dira, elkarren arteko helburu amankomunak lortu ahal izateko. Ikastaroaren saioak “learning by doing” metodologiaren bidez landuko dira, ikuspegi praktiko,dinamiko eta esperientziazko ikaskuntza izanik.
Ikastaroaren iraupena bederatzi saiokoa izango da eta Laura Cespedes adituaren eskutik jasoko da, 2022ko Urritik 2023 maiatza bitarte.
Ikastaroaren eduki, egutegi eta prezioen xehetasunak kartelean ikusgai
Izen ematea (hemen)
Aipaturiko bi prestakuntza horiek aurrez aurrekoak dira eta Gainberri Kirol Heziketa ikastetxeko (Tolosa) instalazioetan emango dira. Gainberri ikastetxea 2021-22 ikasturtetik kiroleko erdi mailako eta goi mailako heziketa ziklo ezberdinak eskaintzen ditu.
Orain Komunikazioa eta lidergoa eta “ Coaching” ikastaroen bidez, Gainberri ikastetxeak bere eskaintza zabaldu eta trebetasun perstonalei buruzko zeharkako prestakuntzak eskaintzen ditu, honakoak funtsezkoak izanik kiroleko profesionalen ezagutza teknikoak osatu ahal izateko.
