Kurrikuluma

Kurrikuluma, lanbide moduluen arabera taldekatutako kredituetan antolatzen da, honela banatuta:

• Zaldiketa-teknikak. (99 o.)
• Taldeentzako arreta (66 o.)
• Zaldi-gidaritza. (66 o.)
• Ibilbideak antolatzea. (99 o.)
• Bizikleta-gidaritza. (165 o.)
• Igeriketa-teknikak. (99 o.)
• Sorospena natura-ingurunean. (168 o.)
• Ur-ingurune naturaleko gidaritza. (147 o.)
• Behe eta erdi-mailako mendiko gidaritza. (231 o.)
• Astialdiko teknikak. (132 o.)
• Maniobrak sokekin. (147 o.)
• Ingeles profesionala (EM). (60 o.)
• Enplegagarritasunerako ibilbide pertsonala I. (120 o.)
• Enplegagarritasunerako ibilbide pertsonala II. (63 o.)
• Produkzio-sektoreei aplikatutako digitalizazioa (EM). (60 o.)
• Produkzio-sistemari aplikatutako iraunkortasuna. (42 o.)
• Proiektu intermodularra. (50 o.)
• Hautazko modulua. (84 o.)

Praktikaldiak LH Duala

LH Dual Enpresan egiten diren praktika aldiak, lan munduarekin lehen harremana eraiki, esperientzia ezberdinak bizi eta testuinguru erreal batean eskuratzen diren gaitasunak garatzeko aukera ematen dute.

Praktika aldiak, lehen zein bigarren mailan burutzen dira.

Ziklo hauen praktika aukerak:

• LH Dual Orokorra( derrigorrezkoa) : 608 ordu.
• LH Dual Intentsiboa ( aukerakoa eta irakasle klaustroak baloratu beharrekoa) : Praktika aldietako orduak luzatzen dira eta irakastaldiaren zati bat, enpresan burutzen da.

Informazio gehiago

Irteera profesionalak

• Gidari lanak: oinez, mendian, bizikleta zein zaldian
• Espazio naturaletako ur soroslea
• Natura ingurunetan jarduera gidatuak diseinatu eta antolatu.
• Zailtasun txikiko sakan eta espeleologiako gida
• Kanpamentuetako, gazte aterpeetako, udalekuetako, baserri eskoletako eta natura gela eta eskoletako begiralea.
• Natura inguruneko jardueren ekintzailea edo enpresaburu

Ikasketen jarraipena

• Kirol jarduerako goi mailako heziketa zikloak: Egokitzapen fisikoa / Gizarte eta kirol irakaskuntza eta animazioa
• Erdi edo goi mailako beste heziketa ziklo batekin
• Erdi mailako kirol ikaskuntzekin

Erdi-mailako ziklo edo moduluetan sartzeko, gutxienez baldintza hauetako bat bete behar da:

• Derrigorrezko Bigarren Hezkuntzako graduatuaren titulua edo Oinarrizko Lanbide heziketaren titulua izatea
• Lanbide heziketako teknikari titulua izatea
• Erdi mailako edo goi mailako heziketa zikloetara sartzeko proba gainditu izana, edo 25 urtetik gorakoen edo 45 urtetik gorakoen unibertsitatean sartzeko froga gainditu izana.

Iraupena eta ordutegiak

Heziketa zikloaren iraupena, guztira, 2.000 ordukoa da, eta ikasturte batean zehar garatuko da.

Prestakuntza zikloa goizez ematen da. Salbuespen gisa, eta zikloaren ezaugarriak direla eta, ezarritako ordutegitik kanpo irteerak egingo dira, betiere behar besteko aurrerapenarekin jakinarazita.

Hasierako tutoretza kreditua

Ikasturteko lehen astean, tutoreak ikasleei azalduko die zein diren amaierako helburuak, egutegia, ordutegiak, beharrezko materiala, espazioak eta instalazioak e.a. baita talde jardueretarako beharrezkoak diren bizikidetza ohiturak ere. Ebaluazio on bat egin ahal izateko beharrezkoak diren mekanismoak ere zehaztuko dira, eta horrela titulazioa lortuko da.

Hasierako kreditua

Modulu bakoitzeko lehen saioan, tutoreak, amaierako helburuak, programa, beharrezko materiala eta abar azalduko dizkie ikasleei, eta ebaluaziorako zer tresna eta jarduera egingo diren ere zehaztuko du, bai eta, beharrezkoa izanez gero, errekuperazio mekanismoak ere.

Ebaluazioa

Ikasturtea 3 hiruhilekotan antolatzen da, eta ohiko 3 ebaluazio saio eta ezohiko saio bat izango ditu. Horietako bakoitzean kalifikazioen buletin bat ere emango da.

Materialak

Heziketa zikloaren ezaugarriak direla eta, modulu bakoitzerako material eta ekipamendu tekniko egokia eduki behar da. Matrikulazio prozesuan zehar, ikasleei eta familiei zerrenda bat emango zaie, eta tutoreek/irakasleek ikasturteko lehen astean xehetasun teknikoak zehaztuko dituzte (hasierako kreditua).

Instalazioak

Heziketa zikloan, ikastetxeko instalazioak eta ekipamenduak erabiliko dira, baita ikaskuntza eraginkorra izateko beharrezkoak diren kirol instalazioak ere (adibidez, hipika).

Esemtia plataforma

Heziketa zikloa gainditzeko, irakastorduetatik haratagoko zereginak egin behar dira. Alde horretatik, ikasgela etxera hurbiltzea errazten duen tresna teknologikoa da Esemtia plataforma. Euskarri malgua da eta etengabe eguneratzen da ikaslearen lan dinamikara. Ez du ordezkatzen ikastetxera joatea, baina hainbat alderditatik osatzen du:

• Euskarri didaktikoa eta dokumentala: autozuzenketarekin, indartzeko/zabaltzeko edukiak eta jarduerak, ikasgaiarentzako oinarrizko kontzeptuak, baliabideak, irakasleek proposatutako estrategiak
• Agenda eta plangintza
• Eskola-familia komunikazioa, ikasleen hezkuntzaren oinarrizko zutabeetako bat. Dinamikoa izatea eta pertsona bakoitzaren beharretara egokitzea lortzeko, Esemtiak komunikazio bide zuzena ematen die gurasoei.

Ikasturte hasieran, ikasle bakoitzak ikastetxeko posta elektronikoko helbide bat izango du, eta Esemtia plataforman sartzeko gako bat jasoko du.

Zerbitzu ikaskuntza

Zerbitzu ikaskuntza, ikaskuntza prozesuak eta komunitateari zerbitzua emateko prozesuak, proiektu bakar batean konbinatzen dituen hezkuntza proposamena da. Proiektu horretan, parte hartzaileek, ingurunearen benetako beharren gainean lan egiten dute, hura hobetzeko helburuarekin.

Erronka ikaskuntza

Proposamen metodologiko honek hainbat diziplinatatik datozen ezagutzak erlazionatzen laguntzen die gure ikasleei, ikaskuntza funtzionala garatuz, ikasitako ezagutzak eta haiek planteatutako erronkei irtenbideak eta erantzunak emateko dituzten trebetasunak aplikatu eta praktikan jartzeko aukera ematen diena.

Gamifikazioa

Hainbat joko mekanika erabiltzen ditugu heziketa zikloko ikasgaietan, motibazio, kontzentrazio, ahalegin, fidelizazio eta jolaseko beste balio positibo komun batzuk sustatzeko.

Eskola – Enpresa

Ikasleek praktikak egiten dituzte gure inguruko kirol ekitaldietan, eta langileak hautatzeko prozesuetan parte hartzen dute, enpresa jakin batzuetan lantokiko prestakuntza egin ahal izateko. Prozesu horrek lan errealitatera hurbiltzen ditu.

Kurrikulumetik kanpoko irteerak eta hitzaldiak

Ziklo honetan, kurrikulum irteera ugari egingo ditugu, eta ematen diren ikasgaiekin lotutako hitzaldietara ere joango gara.

Tutoretza

Tutoretza ezinbestekoa da ikasleak arlo akademikoan eta pertsonalean aholkatzeko eta orientatzeko, eta haien funtsezko gaitasunen eta gaitasun profesionalen kontzientzia hartzeko aukera ematen die.

Hurbiltasuna da gure proiektu pedagogikoaren ardatzetako bat, taldearen eta ikasgelaren bizitza sozioeraginkorra dinamizatzeko eta ikasleak orientatzeko, bakoitzaren berezitasunak kontuan hartuta.

Ahaleginaren kultura modu sistematikoan lantzen dugu, eta heldutasuna, erantzukizuna eta konpromisoa bultzatzen ditugu. Eta tutoretza ekintza ardatz hauetan egituratzen dugu:

• Taldeka: taldearen kohesioa, antolaketa pertsonala eta informazioa hurrengo etapetarako
• Banakakoa: ikaslearen ezagutza eta balorazio sakona, profil pertsonal, behar, gaitasun, talentu, interes eta motibazioak. Halaber, ikasketa eta heldutasun estrategiak bilatzeari lotutako antolaketa zeregin bat ere badu, orientatzaile eta motibatzailea.
• Familiekiko komunikazioa: ikasturtean zehar, tutoreak hiru elkarrizketa pertsonal egiten ditu batez beste guraso edo tutoreekin, ikaslearen lana baloratzeko, sortzen diren beharrei erantzuteko eta ekintza eta hobekuntza estrategi egokiak planifikatzeko. Gainera, famili-tutorearen komunikazioa, etengabea eta arina da posta elektronikoaren edo telefonoaren bidez.
• Ikasgaiaren tutoretza: material bakoitzeko irakasleak, banaka edo lantalde txikitan, edukiera kurrikularrei aurre egiteko, hobetzeko eta sakontzeko behar dituen baliabideak bilatzen laguntzeko espazioa. Irakasgaiko tutoretza deialdia bi norabidekoa da, hau da, irakasleak dei dezake, egokitzat jotzen badu, edo ikasleak eska dezake, laguntza edo orientazioa behar badu.

Orientazioa

Irakasle talde osoak ikasleen orientazio akademiko, pertsonal eta profesionala zaintzen du, eta bakoitzaren jarraipen pertsonalizatua egiten du.

• Orientazio pertsonalaren helburua, ikaslearen prestakuntza integrala lortzea da, haren gaitasun, nortasun eta interesak ezagutzea erraztuz eta irizpide propioak garatzen lagunduz.
• Orientazio akademikoaren helburua, ikasleak, eduki, bai teoriko eta praktikoak, nola ikasi behar dituen hobeto ezagutzea da, eta bere ikaskuntza prozesuan eragina duten alderdien koordinazio eta integrazioa erraztea.
• Orientazio profesionalak, ikaskeei lagundu egiten die, beren lanbideko espezializazioen eta etorkizuneko ikasketen aukeraketa orekatu eta arrazoitua egiten.